На сайце Радыё Свабода адбылася онлайн-канфэрэнцыя з лідарам Рушэння Уладзімерам Мацкевічам.

Заўтра, ў чацьвер, 12 кастрычніка, ад 11.00 да 12.00 Уладзімер Мацкевіч будзе размаўляць са слухачамі Свабоды па менскім тэлефоне (8-017) 290-39-52. Пытаньні яму можна задаваць і загадзя: на кругласутачны тэлефон-аўтаадказьнік (8-017) 290-39-52. Іх можна дасылаць таксама праз SMS (391-22-24) ці электронную пошту (rferl.minsk@gmail.com)

Калi у Беларусi можа пачацца эканамiчны крызiс?

З таго, што мне вядома, ніякіх падставаў для эканамічнага крызісу няма. Калі ён пачнецца – не ведаю. Могуць быць пэўныя эканамічныя цяжкасьці з нагоды скарачэньня паставак нафты і газа – гэта так. Эканамічная палітыка рэжыму непрадбачлівая, а сытуатыўна-каньюнктурная. Даўно была зразумела нашая энэргетычная залежнасьць ад Расеі. Гэта стварае пэўны перакос гаспадаркі, эканамічную небясьпеку. Рэжым і ў эканамічным жыцьці кіруецца не розумам, а інстынктам самазахаваньня. Так і зараз. На надышоўшую энэргетычную небясьпеку ён адказвае пошукам альтэрнатыўных крыніцаў на Блізкім Усходзе, ці нават у Вэнэсуэле. Лепш позна, чым ніколі. Гэта паспрыяе аздараўленьню эканомікі, выпраўленьню застарэлых хібаў. (more…)